Europa del Norte

Europa del Norte
Situación
Tipu	rexón xeográfica
Parte de	Europa
Asitiáu en	Océanu Glacial Árticu
Coordenaes	57°N 14°E / 57°N 14°E / 57; 14
Datos
Puntu más altu	Galdhøpiggen (es)
Población	107 713 259 (2023)

Europa del Norte ye la rexón qu'abarca la fastera más septentrional del continente européu. Hai delles formes de definir la so estensión en función de factores culturales, históricos, políticos y xeopolíticos. Na so clasificación vamos siguir equí'l xeoesquema de les Naciones Xuníes, un esquema ellaboráu pola División Estadística de les Naciones Xuníes pa sodividir el mundu en rexones y sorrexones por conveniencia estadística. Les divisiones d'esti esquema, poro, nun impliquen opinión dalguna de les Naciones Xuníes sobre l'afiliación política o d'otru tipu de los países o territorios incluyíos en caúna d'elles^[2].

Acordies con esi esquema, formen parte d'Europa del Norte los siguientes estaos y territorios: Dinamarca, Estonia, Finlandia, Irlanda, Islandia, Letonia, Lituania, Noruega, Reinu Xuníu, Rusia y Suecia.^[3]

1. ↑ Editorial: base de datos del Bancu Mundial. Data de consulta: 22 ochobre 2024.
2. ↑ Standard Country or Area Codes for Statistical Use, na web de la División Estadística de les Naciones Xuníes (UNSD).
3. ↑ «Composition of macro geographical (continental) regions, geographical sub-regions, and selected economic and other groupings na web de la División Estadística de les Naciones Xuníes (UNSD).». Archiváu dende l'orixinal, el 2011-07-13.